Tuesday, December 30, 2008

فضفضة عالسريع

ليا أكتر من شهرين ماكتبتش حاجة عالمدونة .. بسبب ان الوقت كان معاندنى شوية وكمان الرغبة فى الكتابة
..
ساعات كان يبقى فى فكرة ما او موضوع ما عايز افضفض عنه لكن بعد خمس دقايق بالظبط الرغبة دى تروح
..
كمان كتير كنت ادخل مدونة ما وألاقى بوست يعجبنى اوى .. لكن ما الاقيش عندى رد او تعليق .. موش عارف موضوع الرغبة فى الكتابة سواء موضوع جديد او رد على موضوع دى بتيجي من ايه وبتختفى من ايه .. الله اعلم
زى بالظبط الرغبة فى القراءة .. ساعات نفسى تتفتح للقراءة بشكل شره .. وساعات نفسى تتسد موش عارف ليه .. غالبا الموضوع حسب الحالة النفسية للشخص..
وحتى دلوقتى انا لسه فى مود عدم الرغبة فى الكتابة .. لكن أوقات كتير فى حاجات بتستفز الواحد انه يغير موده ويكسره غصب عنه
ودا حاصل معايا حاليا ..

غزة – بوش والجزمة – غزة – قضية بنت ليلى غفران – غزة – أعياد و احتفالات الكريسماس – غزة – أوباما – غزة – كاس الخليج الـ 19 – غزة – الأهلى و الزمالك – غزة – وفاة الحاج مدبولى (صاحب مكتبة مدبولى) – غزة – حسام و ابراهيم حسن – غزة – الحكم فى قضية المدرس اللى قتل التلميذ فى اسكندرية – غزة – هشام طلعت و سوزان تميم – غزة – الدكتور مصطفى السيد مبتكر علاج السرطان – غزة – حالة التعليم فى مصر – غزة – الحالة الاقتصادية – غزة – نهى رشدى و الحكم فى قضية التحرش -- غزة – إسرائيل – غزة – أمريكا – غزة – الدول العربية – غزة – فتح و حماس – غزة – غزة – غزة – غزة
فلسطين
مصر

بردو ماليش نفس اكتب اى حاجة دلوقتى ..

5 comments:

سمراء said...

غزة هي المثل الصارخ لما وصل الية العالم

فعلا حاجة تسد النفس

في التاريخ ديما فترات اضمحلال وفترات ازدهار ونهضة
نتمني في اطلالة عام جديد انتهاء فترة الاضمحلال وحلول عصر نهضة

انها تمنيات

سمراء

JuSt_hUmAn said...

ازيك يا مؤنس؟
غايب عننا بقالك كتير يا عمّنا
وحشتنا بوستاتك

Mafrousa said...

اين انت؟

مؤنس فرحان said...

سمراء

دايما عيوننا قاصرة و مجال معرفتنا محدود بشكل رهيب .. نظراتنا تحت رجلينا
لما تراجعى التاريخ حاتلاقى حاجات غريبة حصلت ماكانتش فى الحسبان خالص
تمنياتى مع تمنياتك ان الأحوال تتصلح ونفوق

------------------
عمروو

انا الحمد لله بخير تمام .. بس مطحون فى الشغل خالص .. ودا اللى موش مخليلي وقت اعمل اى حاجة .. شغل مرواح .. أكل .. نوم .. شغل .. دايرة بتتكرر كل يوم
شكرا على مرورك وسؤالك يا جميل
------------------
مفروسة
ازيك .. شكرا على مرورك
انا موجود لكن دخول عالمدونات بقى قليل بسبب ان اليوم 24 ساعة بس

الدار العربية said...

كلنا نصاب بما تعانية من عدم الرغبة في الكلام بعض الوقت لكن لازم نتغلب علي وحش الصمت