Tuesday, May 31, 2011

خواطر مايو


1.   اللواء ممدوح شاهين فى مداخلة تليفونية على قناة أون تى فى قال ان الشعب اختار المجلس العسكرى  والدليل نتيجة الإستفتاء ... وقبليه الجماعات السلفية قالت ان الشعب اختار الدين والدليل الاستفتاء ... والاخوان قالو نفس الكلام ... السؤال هنا : هو الإستفتاء كان على إيه بالظبط ...؟؟؟
2.   أنا ملاحظ ان البيانات اللى بيصدرها المجلس العسكرى بتبقى محكمة جدا وكل كلمة ومعنى و لفظ فى محله ... ودا شئ جميل جداا ... و شئ متوقع من مؤسسة عسكرية رأسمالها الانضباط والدقة ...  نفس الشئ لما بيكون فى استضافة لأحد قيادات المجلس العسكرى فى برنامج من البرامج بنلاحظ نفس التحديد والدقة والمنطق القوى فى التصريحات والإجابات  ... لكن و على العكس لما بتحصل منهم مداخلات تليفونية فى أكثر من مناسبة بنلاحظ ضعف الحجة و المنطق ... فى الحالتين الأولى والثانية بيكون فيه استعداد وتجهيز ودراسة للموقف ... لكن فى حالة المداخلة التليفونية اللى عادة بتبقى للتعليق على شئ ما أو الرد على نقد ما فبأحس ان الرد هنا انفعالى أكثر منه منطقى
3.   نقطة كمان كان نوه عنها محمود سعد فى برنامجه ... ان قيادات المجلس العسكرى (بيتقمصو) أوى لما حد ينتقدهم ... وهنا هما موش عارفين يفرقو بين قيادات الجيش وقيادات المجلس العسكرى ... المجلس العسكرى يعنى سياسة يعنى نقد يعنى قرارات حاتعجب الناس و قرارات لأ ... بغض النظر عن الفايدة أو المصلحة  
4.   الأزهريين و الصوفيين والسلفيين و القساوسة ... ليه دايما الصورة اللى مصممين يصدروها عن نفسهم .. موش حد تانى يصدرها عنهم ... انهم سذج أو بينضحك عليهم بسهولة ... كل شوية تطلع تصريحات او فيديوهات من أشخاص محسوبين على التيار الديني سواء إخوانى أو أزهرى أو صوفى أو سلفى أو مسيحي ... أيا كان المسمى لكن فى الأخر محسوب على التيار الديني  ... ويظهر بالصورة دى ... خصوصا لما بيتكلمو فى المجالات الاجتماعية أو السياسية ... بإختصار .. ماتعرفش أو مابتفهمش فى المجال دا أو الموضوع دا ... ماتسمحش لحد انه يضحك عليك أو يفهمك حاجة غلط ويجرجرك لموقف معين ترجع تندم عليه بعد كده و تقول أصلى ماكنتش واخد بالى ولا ماكنتش أقصد ولا كنت بأهزر ولا كنت فاهم غلط 
5.   قناة التحرير عاجبنى فيها أوى أوى برنامج فى الميدان سواء مع محمود سعد أو إبراهيم عيسى أو بلال فضل ... بقية البرامج لسه قدامها كتير ... والبرنامج بتاع هبة قطب بالنسبالى هو أسوأ حاجة فى القناة
6.   عجبنى أوى ان سيد على عملوله برنامج بييجي بعد الساعة واحدة  بالليل على قناة المحور بعد الناس ماتكون نامت

3 comments:

Tears said...

يسرى فودة رائع و دنيا عبد الرحمن كلها صدق

مؤنس فرحان said...

أهلا تيرز

احنا لو حانتكلم عن مقدمى التوك شو .. فـ يسرى فودة و إبراهيم عيسى هما أكثر اتنين عندهم مصداقية وفيه واقعية فى كلامهم

دنيا عبد الرحمن للأسف مقدرش أحكم عليها لأن ميعادها صعب اتابعها

sandy senlldy said...

Fabric surfaces are re-worked to obtain a textured and detailed look. Prints, mainly stripes, are interpreted in new ways, while intricate techniques are used to add dimension, and emphasize the tactile qualities of woven ralph lauren outlet australia fabrics, knits and jersey. Colors rise from the surface of fur and other soft and tangible materials as lines of bright needle punching. Crisp, fresh fabrics are used against super-heavy materials in order to create a sensation of heavenly luxury. Hairy surfaces and replica prada rough textures meet sleek and smooth fabrics, and similar to the colors some are warm and heavy, while others graceful and airy.The seductive play with multiple layers gives a sense of double vision blurring the lines between beginning and ending.'High-tech craft' creates a sophisticated uniqueness for the consumer which combines the best of intelligent fabrics and high-end technology, with design and craft manufacturing. The colors are brought to life in gucci replica handbags materials which instantly capture light and reflection. Different varieties of coating alter the look and properties of the fabrics, adding depth, nuance and substance to pure white, pure black and the dynamic play of shadows in the space between the two. Folding fabrics create a sensation of swiss replica watches protection and care, and plain woven fabrics represent the honest simplicity of the palette. Embossed jacquard patterns and bonding fabrics, different in weight, expression and handle, allow us to further play with contrast, shadow and light.