نجاح الموجى
عبدا لله غيث
سناء جميل
عادل أدهم
عزت العلايلى
……………….
الأسماء دي كلها لفنانين أنا بحبهم أوى.. بحب أعمالهم جدا و أدوارهم كلها ماشاءالله روعة بالنسبالى
نجاح الموجى: من الممثلين الجامدين جدااا.. وان كان رأيي انه ماخدش حقه بالكامل من التكريم سواء وهو حي أو بعد وفاته الله يرحمه.. كان ممثل قوى جداا
عبدا لله غيث: بعشقه.. بحب جداا أي عمل فيه عبدا لله غيث و أي دور قام بيه.. بالنسبالى كان مثال للراجل المحترم.. (الراجل لوحدها ) ( والمحترم لوحدها ).. له مسلسل قديم اسمه في ظلال السيوف أداؤه تحفة
سناء جميل: مالهاش حل.. واللي عايز يعرف سناء جميل يتفرج على اعمالها القديمة.. لأنها في أخر 10 أو 15 سنة من عمرها اتحبست في إطار معين ماكانش بيظهر كل موهبتها.. فيلم البداية و النهاية مالوش حل وأفلام غيره كتير خصوصا في فترة السبعينات
عادل أدهم: عبقري.. موش عارف ليه معظم الفنانين العباقرة من وجهة نظري بيبدعو أكتر في أدوار الشر ويمكن أقربهم الخالدين (خالد الصاوي + خالد صالح).. الاتنين دول ماشاءالله فنانين بجد بردو
عزت العلايلى: بالنسبالى عزت العلايلى ملك السبعينات.. عارفين انتم الفترة دي.. و تحديدا من بعد هزيمة 67 لحد 79 تقريبا.. كان في موجة أفلام لها فكر متمرد وفلسفي إلى حد ما .. قام ببطولتها عزت العلايلى
أنا مغرم بفترة السبعينات ,, نور الشريف و محمود عبدالعزيز ومحمود ياسين ,, فاكرين انتم السوالف الطويلة والبناطيل الشارليستون ,, بغض النظر عن موضة اللبس لكن أنا اقصد الفترة دى ,, كانت مصر ساعتها فى مرحلة انتقالية من ثقافة لثقافة وكان شعور التمرد مسيطر على كل شئ و الفن طبعا اخد نصيبه
عبدا لله غيث
سناء جميل
عادل أدهم
عزت العلايلى
……………….
الأسماء دي كلها لفنانين أنا بحبهم أوى.. بحب أعمالهم جدا و أدوارهم كلها ماشاءالله روعة بالنسبالى
نجاح الموجى: من الممثلين الجامدين جدااا.. وان كان رأيي انه ماخدش حقه بالكامل من التكريم سواء وهو حي أو بعد وفاته الله يرحمه.. كان ممثل قوى جداا
عبدا لله غيث: بعشقه.. بحب جداا أي عمل فيه عبدا لله غيث و أي دور قام بيه.. بالنسبالى كان مثال للراجل المحترم.. (الراجل لوحدها ) ( والمحترم لوحدها ).. له مسلسل قديم اسمه في ظلال السيوف أداؤه تحفة
سناء جميل: مالهاش حل.. واللي عايز يعرف سناء جميل يتفرج على اعمالها القديمة.. لأنها في أخر 10 أو 15 سنة من عمرها اتحبست في إطار معين ماكانش بيظهر كل موهبتها.. فيلم البداية و النهاية مالوش حل وأفلام غيره كتير خصوصا في فترة السبعينات
عادل أدهم: عبقري.. موش عارف ليه معظم الفنانين العباقرة من وجهة نظري بيبدعو أكتر في أدوار الشر ويمكن أقربهم الخالدين (خالد الصاوي + خالد صالح).. الاتنين دول ماشاءالله فنانين بجد بردو
عزت العلايلى: بالنسبالى عزت العلايلى ملك السبعينات.. عارفين انتم الفترة دي.. و تحديدا من بعد هزيمة 67 لحد 79 تقريبا.. كان في موجة أفلام لها فكر متمرد وفلسفي إلى حد ما .. قام ببطولتها عزت العلايلى
أنا مغرم بفترة السبعينات ,, نور الشريف و محمود عبدالعزيز ومحمود ياسين ,, فاكرين انتم السوالف الطويلة والبناطيل الشارليستون ,, بغض النظر عن موضة اللبس لكن أنا اقصد الفترة دى ,, كانت مصر ساعتها فى مرحلة انتقالية من ثقافة لثقافة وكان شعور التمرد مسيطر على كل شئ و الفن طبعا اخد نصيبه
..........................................................
بالنسبة للفنانين الأجانب ,, أنا متيم بـ روبين ويليامز
و فى ممثل اسمه كريستيان بال ,, تحفة بردو
و باربرا سترايسند
الناس دى بأحس انهم فنانين
وكلمة فنان دى ماتتقالش على أى حد ,, دى كلمة كبيرة أوى
7 comments:
اتفق معك على عبدالله عيث الذي هو بالنسبة لي الرجل الصعيدي الاصيل في الملامح والاداء والمعتقدات
وايضا سناء جميل
ولكني اختلف معك بالنسبة لفترة السبعينيات حيث اني لا اجدها من افضل الانتاج السينمائي في مصر
الا انه قد تميزت مجموعة من الاعمال الجيدة
ولكن في الوقت الحالى اري انه هناك نقلة في السينما من جميع النواحي الانسانية والاجتماعية والسياسية
اني عاشقة السينما
اشكرك على زيارتك
سمراء
متهيألى مافيش حد حيختلف معاك فى الفنانين دول انت ذكرت فنانين جمدين وعارفين معنى التمثيل بجد سواء الاجانب او العرب تذوقك للفن عالى بحييك
تحياتى
هو بغض انظر عن ان الاسماء اللى انت ذاكرهم دول فهم فعلا ناس محترمة ..وفنانين بجد..
لكن انا مبحبش اخوض كتير فى الفن والفنانين..لأنى شابفة ان الوسط هو اللى اساء للمهنة دى...
وده ميمنعش ان فى ناس كتير محترمة وموهوبة فعلا..بس انا مش بحب الوسط ده خالص ..ومش مهتمة اعرف مين كويس ..ومين وحش...
للأسف ..فى حكاية الفن دى..انا بطبق مبدء انا مش مؤمنة بيه(السيئة تعم ..والحسنة تخص )
أهلا سمراء
انا اعجابى بفترة السبعينات نابع من كونها مرحلة تغيير .. مرحلة انتقالية .. كان فيها رفض وتمرد على فترة الناصرية .. اينعم تمردهم وصل احيانا لحد النقيض تماما وخرج عن الحدود لكن الفكر الوجودى وفلسفات الغرب والانطلاق فى التفكير سيطر بشكل كبير على الفن عامة فى الفترة دى
......
أكيد طبعا دلوقتى فى تغيير وان كان بشكل مختلف .. حاليا بنحاول نجمع بين تقنيات العصر الى احنا فيه مع مشاكل مجتمعنا
عندك مثلا فترة الثمانينات كانت فترة سقوط رغم وجود عدد من الافلام الرائعة فيها لكن اجمالا كانت فترة افلام المقاولات والاستهلاك
شكرا على زيارتك
أهلا فيس مون
شكرا ليكي على ردك الجميل .. الفن عامة هو وجه آخر للحياة .. وبيعرفنا قيمة حياتنا
شكرا على مرورك
أهلا يا سمر
للأسف كلامك صح .. وطبعا انتى تقصدى مجال التمثيل والسينما
شوفى.. كانو بيقولو ان ساعات او كتير من الاحيان المهنة بكل أجواءها بتأثر على صاحبها وعلى حياته الخاصة
والمجال دا فيه أجواء خاصة بيه بتعطى دائما سمعة موش كويسة عن أهله
فاكرة لما كنا بنتكلم عن التعصب .. انا شايف ان الوسط دا فيه اللى فيه بس دا مايمنعش انى لما اشوف شئ كويس .. حاجة حلوة .. اميزها .. واقول فلان دا او فلانة دى .. ممثل او مخرج او مؤلف كويس
واشاور عليهم
والكلمة الشهيرة كل وسط فيه السئ وفيه الجيد
شكرا على ردك
Post a Comment