0900
دكتور الريجيم والنحافة والتخسيس
اختار الرنات اللى تناسبك
الموضة السنادى الفوشيا مع الأخضر
موضة لفات الطرح
كورة كورة كورة كورة ... اهلى زمالك منتخب .. جماهير وشماريخ .. شوبير و مرتضى .. مدحت شلبى وعلاء صادق .. مصر والجزائر ..
حفل توزيع جوائز السينما المصرية .. تصريحات النجمة :انا بأرفض انى اطلع فى مشهد ساخن او مشهد عرى او انى البس مايوه .. الا اذا كان المشهد متوظف ضمن الدور
فيلم للكبار فقط
..........................
قضايا التحرش .. فى الأعياد والمواصلات
حتى الآن لازالت عقوبة الاغتصاب هى السجن فى معظم الأحوال وعقوبة الاعدام صدرت فى حالات قليلة جدا ولم تنفذ لان فى طعن واستئناف بيوصلها فى الآخر لحبس
...........................
لازال اختيار شاغلى المناصب الكبرى ليس بالكفاءة ولكن بمعايير اخرى او بمنطق : حيبقى الراجل بتاعنا ولا لأ ..؟؟ حيقدر ينفذ كل كلامنا ويوجد له الشرعية المناسبة
.......................................
غلاء الأسعار اللى فى ازدياد مستمر لأسباب كتير على رأسها فساد المسؤولين وعدم كفائتهم
...........................
لازالت الحكومة بتعامل الناس على انهم لسه فى الخمسينات او الستينات .. جهل مطبق وأمية كاسحة و شعب مغيب عن كل شئ إلا لقمة العيش ...
يمين يمين .. شمال شمال ... غيبوبة الاعلام الحكومى راديو وتليفزيون وصحف .. لسه مفيش قنوات فضائية ولا انترنيت
لسه فى عصر أحمد سعيد اللى كان بيقول لنا فى النكسة اننا وقعنا 50 طيارة اول يوم وتلاتين طيارة تانى يوم
والناس فرحانة ومصدقة ............
احنا فى عصر البجاحة .. والبجح فى الموروث الشعبى المصرى هى انك تكون غلطان ومخطئ والغلط راكبك من ساسك لراسك زى مابيقولو .. ومع ذلك .. ولا كأن فى حاجة .. تكابر وتعلى صوتك وتتهم غيرك بالباطل كمان وتستغرب من اللى يقول عليك كلمة
بصراحة الأخبار بقت تغممممم .. من التليفزيون من الجرايد من النيت ... حاجة تغممم
كل الأخبار بتدل على فساد الضمائر وضعف النفوس و و ... البجاحة
عضو مجلس الشعب اللى اتصور فيديو وهو داخل صالة قمار ولما يحققو معاه يقول اصل كان فى واحد بيتخانق جوا وداخل افض الخناقة .. والكاميرا مصوراه لحد ماقعد عالترابيزة
هل أنا موش شايف غير الاخبار السيئة ..؟؟
هل العيب فيا أنا ..؟؟
هل أصبت بمرض بيخليني ( أفلتر ) الأخبار وأشوف منها السئ بس ..؟؟
هل أنا لوحدى ولا دا مرض معدى ..؟؟
كم رهيب من الغبااء والهيافة وانعدام الأخلاق و .. البجاحة .. بيطل على كل يوم سواء فى الشارع فى المواصلات فى التليفزيون فى الجرائد الحكومية او الخاصة .. على النيت .. فى كل مكان
ربنا يرحمنا
5 comments:
نعم هذا حال البلد و اليائس حال الشباب...يا ترى مصر رايحة فين؟
معاك حق جدا..انا كنت لسه كاتبة على الفيسبوك حاجة شبه الكلام ده..فعلا احنا فى عصر البجاحة..
يا رب تكون بخير يا سمير..
متأسفة على عدم الرد الفترة اللى فاتت..وانا كنت متابعة البوستس من فترة للتانية...
ربنا يرحم والدك وكل موتانا...متأخرة طبعا..بس ان شاء الله نحسبة الان على خير..
انبسط جدا على فكرة لما عرفت انك قريت نون..انا بردة قريتها..ان شاء الله نتناقش فيها قريب..
وبقرأ عزازيل دلوقتى..
تحياتى
Tears أهلا
حال البلد يرعب .. لكن دايما لازم مانفقدش الأمل
شكرا على مرورك
-----------------------------
أهلا سمر
حمدالله عالسلامة .. نورتى المدونات من تانى ..
----
الدوام لله .. ربنا يرحم موتانا جميعا
----
نون رواية دسمة والكاتبة سحر الموجى انا حضرت لها ندوة قبل كده فى مكتبة الشروق .. وهى لها ستايل مميز
-----
أما عزازيل فهى دسمة جدااا جدااا .. معلش كل كلامى دسم النهاردة تقريبا عشان جعان دلوقتى ..
الدكتور يوسف زيدان انا لسه مخلص له اللاهوت العربى كتابه الجديد .. وقبل كده كنت قريت له ظل الأفعى .. بردو جميلة جداا ..
أسلوبه مشوق وبيفتح لك مصادر كتير للمعرفة
---------------
نورتينا من تانى
طيب كويس اوى .. واحدة صحبتى رشحتلى اللاهوت برده..
المدونات منورة بصحبها :)) ومستنية اى بوست جديد
Post a Comment