عفوا على الفترة اللى فاتت وعدم انتظامى فى الدخول عالمدونات زى الأول .. لكن الحمد لله على كل حال .. ظروف الشغل الجديد واخدة كل وقتى خالص .. انا جهازى اللى فى البيت لوحة المفاتيح بتاعته بقت كلها تراب بسبب انى مااستعملتوش من فترة طويلة
شكرا لكل الناس على اهتمامهم ربنا يسعدكم ياااارب
................
بصراحة حوشت (بتشديد الواو وكسرها) كلام كتير أوى أقوله .. بس كان مانعنى انى موش لاقى وقت خالص مالص (موش عارف مالص دى جاية منين)
حتى الكتب اللى عندى فاضلة من معرض الكتاب ولسه ماقريتهاش زائد الحاجات الجديدة اللى جيبتها موش لاقى وقت اقراهم خالص
بس قبل أى حاجة أقولها لازم أشكر عمرو صاحب مدونة
To Be A hUmAn !
و سوو صاحبة مدونة
طيارة ورق
على تمريرهم التاجات دى ليا
و دى أول مرة ييجي لى موضوع التاج دا (الخير لما بييجي بييجي مرة واحدة,, بس نصبر ) نبدأ
ونبدأ بـ تاج عمرو
هواياتى : القراءة بشغف بإلتهام بجنون بتعصب بهبل (كما يقول حكماء القهاوى : أى حاجة فى أى حتةو شئ تانى انا شايف انه هواية عندى .. هو تحليل كل حاجة .. يعنى احب احلل اى شخص اعرفه .. اى كلمة جديدة اسمعها .. اى كتاب او فيلم او اى حاجة
عيوبى : طبعا هو ماينفعش الواحد يتكلم عن عيوبه لانى لإما حجامل نفسى أو حظلم نفسى .. موش حأديها حقها
لكن بشكل عام لو تغاضينا عن النقطة دى فعيوبى اللى انا معتقدها فيا وموش بأتحرج انى اقولها .. انى (لسه عندى 16 سنة ويمكن أقل)
حاجات بأكرهها جداا :: يييييييييييييييييه ماتعدش (موش حقول قيم مجردة زى الغباء والتخلف)
الناس اللى بتقول الفاظ موش كويسة .. وماتفرقش لو أنا لوحدى أو معايا اختى او زميلتى .. البعض بيتضايق لما تكون معاه بنت ويسمعو الالفاظ دى .. انا موش شايف فرق كبير .. انا كمان ودانى زى ودانها وعقلى زى عقلها .. واحاسيسنا واحدة موش هى بس اللى بتحس وتشمئز (دا ان كانو بيحسو بحاجة دلوقتى) واحنا غوريلات عايشين فى غابة
كل سلوك لا يدل على الذوق أو الأدب وا النظافة (دلوقتى حيقولو ايه الفافى دا) ومثال على اللى اقصده
لما تكون ماشى فى مكان ما زى التحرير ورمسيس وجنب كل رصيف وحيطة تلاقى علامات على الناس اللى كانت مزنوقة وصرفت نفسها فى الشارع
لما تكون ماشى وتلاقى اللى شغالين (بصق) فى الشارع وهما ماشيين
المدخنين .. كونها عادة سيئة ممكن الواحد يتدبس فيها وهو صغير ومايقدرش يبطلها دا موش معناه انى اقرف بقية خلق الله معايا .. انا عجبنى اوى القانون الجديد فى اوروبا بمنع التدخين فى الشارع والاماكن العامة المغلقة (احنا لحد دلوقتى كلمة ممنوع التدخين فى الاماكن العامة والمواصلات ماحدش بيحترمها)
بعض صفات المصريين .. ان الواحد من دوول بتلاقيه عارف كل حاجة ومايقولش معرفش ابدا .. ومر بكل الخبرات وان ماكانش هو يبقى حد يعرفه
حاجات بحبها أوى وموش بمل من تكرارها : انى اقرا لمصطفى محمود او نبيل فاروق او احمد خالد توفيق او توفيق الحكيم ..
متعتى الوحيدة تقريبا هى انى الاقى كتاب يعجبنى او كاتب يعجبنى
سؤال بيستفزنى : موش حنسمع اخبار حلوة قريب .. موش ناوى تخطب بقى .. يابنى موش ناوى تتجوز
حاجات مؤمن بيها جداا : العدل الإلهى
أكتر حاجة فاشل فيها : انى أتخن شوية
وظيفة بحبها : كان نفسى اطلع محلل نفسى اسمع الناس وهى بتفضفض لى واتناقش معاهم واحاول انصحهم او اوصلهم لسلام نفسى مع ذاتهم (باب النجار)
مثلى الأعلى فى الحياة : بأتفق مع عمرو فى رأيه ان مفيش مثل أعلى.. الكمال لله وحده .. ماينفعش يبقى مثلى الاعلى بشر .. ممكن آخد فلان مثل اعلى ليا فى صفة معينة لانه احسن منى فيها
مثلا انا كنت فرحان بنفسى اوى انى عمرى مابأرمى اى حاجة فى الشارع .. لو باكل بونبونى ولا بأقزقز لب فى الشارع ومالقيتش اى حاجة ارمى فيها بشيل الورق او القشر فى جيبى لحد ماالاقى حاجة او اروح البيت
لحد مالقيت واحد بيعمل اكتر من كده .. الله يمسيه بالخير كان زميلى فى كورس الأوراكل (يحيى) كنا واحنا ماشيين كل مايلاقى ورقة فى الارض يشيلها يرميها فى اى صندوق قمامة قريب .. وبصراحة ماقدرتش ابقا زيه
أمنيتى فى الحياة : حاليا ماليش اى امانى او طموح (مع ان دا غلط ومعناه انى ميت) بس مفيش شئ دايم .. واحنا ممكن نتغير ونفوسنا وظروفنا بين يوم وليلة
ربنا يسعد الجميع ان شاءالله ويوفقهم للى فيه الخير
...........................................................................................
تاج سوو
هى بتقول انها دبستنى .. ويعنى هى موش تدبيسة وحشة .. ساعات بتكون فى تدبيسة حلوة خالص
تحدث عن ستة أسرار قد لا يكتشفها من يقابلك للمرة الأولى
دا على حسب ظروف المقابلة لكن ممكن نقول :
انى ممكن اكون رغاى بس دا مستحيل مع حد أكون بقابله لأول مرة
انى لحد دلوقتى بأقرا اى حاجة تقع فى ايدي من الحاجات اللى البعض بيعتبرها للأطفال زى ميكي وجميع انواع الالغاز
انى حللته هو شخصيا ووضعته فى الكاتيجورى الخاص بيه
انى انطوائى غير اجتماعى بالمرة
انى بكتب حاجات خاصة بيا قصص او خواطر الخ
انى مابحبش آكل الباذنجان ولا البامية ولا اى نوع محشى بإستثناء ورق العنب
موضوع تمرير التاج لستة اشخاص .. كتير أوى يا سوو ..
..................................................................................................................
الصيف والسياحة والشحاتين و الحكومة
الصيف من ساعة ما بدأ وبدأت معاه استعدادات واجراءات الصيف المعتادة كل سنة
نلاقى الشحاتين بيكترو أوى لأن دا عندهم موسم .. وبيكترو بشكل بشع فى اماكن معينة نظرا لتواجد السياح العرب فيها عادة زى المهندسين والهرم والدقى .. ونشوف مناظر قذرة كل يوم .. تلاقى واحد شكله باين انه خليجي بيركب تاكسى والواد متشعلق فيه عشان ياخد منه اى حاجة .. ولا نازل من عربيته وبنتين صغيرين يجرو عليه يمسكو فى هدومه
ولا فى اشارات المرور لما يكون تاكسى معاه خليجيين تلاقى عصابة من الاطفال حاوطو التاكسى من كل اتجاه وهاتك يا تسول بمنتهى المناظر المقرفة القميئة (موش عارف يعنى ايه قميئة)
كل يوم ونا مروح بأركب الاوتوبيس المكيف من التحرير عشان اروح .. ويوميا بنشوف اشكال شحاتين اشكال والوان فى الاوتوبيس
واحد ضرير .. وواحد معوق ذهنيا .. وواحدة منقبة .. وواحدة شايلة عيل على ايديها .. وواحدة خرسا
بيعجبنى فيهم انهم بيختارو نوعية الاماكن اللى بيتسولو فيها والطرق اللى بيبتكروها .. دا اماكن فخمة اوتوبيسات مكيفة عشان يضمنو نوعية الزبون
فى شحاتة شهيرة اوى جدا خالص متواجدة دايما امام بوابة جامعة القاهرة تحت عيون وانظار الجيش اللى واقف هناك من أمن وحراسة وامن مركزى ومكافحة شغب .. واقفة عند الجامعة كل شاب و كل بنت يعدو تجرى عليهم وتاخد تحط فى صدرها وبعد شوية تختفى وترجع تانى .. موش عارف بتروح تفضى فين
و جنب البيت عندنا فى واحدة ست عجوزة اوى كل يوم ييجي تاكسى ينزلها جنب العمارة تنزل تقعد عالرصيف وتبتدى شحاتة .. تحس انها حاجزة المكان دا
مرة فى برنامج صبايا كانو جابو قضية عن واحدة .. ابنها الكبير قتل ابنها الصغير واتحكم عليه بالسجن او الاعدام موش فاكر وهى كانت بتطالب انهم يخرجوهولها عشان هى ست كبيرة واصبح هو اللى فاضل لها ومالهاش غيره
مذيعة البرنامج بعد ماعملت حوار معاها وسألت الناس اللى حواليهم اتكشف ان الست دى شحاتة .. بتطلع كل يوم تشحت وتيجي تجيب الفلوس لعيالها دوول اللى بيشربو بيها بانجو وحشيش وطول النهار قاعدين عالقهوة وشبه بلطجية فى المنطقة عندهم
عندنا فى روكسى فى منظر شوفته اكتر من مرة .. فى اشارة المرور والشارع واقف تلاقى واحدة شايلة على كتفها عيل صغير بتلف تشحت بيه .. وبعد شوية لما تتعب تروح تقعد تحت شجرة وتدى العيل لواحدة تانية تكمل بيه شحاتة وهكذا بيريحو بعض
كل الاشكال والمناظر المسيئة دى .. (هى دى المناظر المسيئة بجد) بتحصل وتتم تحت عيون الحكومة وعلى عينك يا تاجر .. زمان كان فى مكافحة تسول .. دلوقتى اصبحت الحكومة نفسها متسولة وبتشجع عالتسول طالما موش بتواجههم فى الشوارع
والشحاتين ماشيين بمبدأ (اللى تعرف ديته اقتله) و دية اى عسكرى ولا امين شرطة هى الفلوس .. ياعينى ومرتباتهم التعبانة ونفوسهم التعبانة اكتر
رجاء خاص .. اوعو .. اياكم .. حذارى .. حد يدي اى سحتوت لأى متسول .. ايا كان المتسول دا .. راجل كبير يا عينى ولا واحد ضرير ولا ست كبيرة ماشية بالعافية ولا عيل صغير هدومه مقطعة وموش لاقى ياكل .. ولا ولا ولا ... كلهم حثالة وزبالة .. دوول عصابات وبيكسبو اكتر منى ومنك .. وبيضرونا وبيضرو البلد .. وبيساعدو على انتشار الفساد اكتر ... اللى محتاج حقيقى عمره مابيذل نفسه بالشكل المهين دا .. لما تلاقى واحد زى التور وبيشحت ولا واحدة عاملة زى غفير العمدة وفيها صحة قد خمسة مننا وماشية ساحبة وراها ست ضريرة بتشحت بيها... اللى ماسك روشتة واللى ماسكة مناديل و غيره وغيره .. واللى يقولك انا موش من هنا وجاى من بلد بعيدة وتايه وعايز 20 جنيه اروح .. واللى يقولك انا امى محجوزة فى مستشفى القلب وعايز 150 جنيه اخرجها
الاشكال دى كترت بشكل رهييييب فى كل حتة وكل مكان .. مفيش حياء مفيش دم مفيش كرامة مفيش اى اخلاق خالص
حنلف لفتنا ولازم ارجع للحكومة .. لان ايوا فعلا هى سبب كل المشاكل ماحدش يقدر يقول غير كده
بس انا طولت اوىى المرادى حكمل المرة الجايا
........................................................................
عزازيل .. يوسف زيدان
ظل الأفعى .. يوسف زيدان
ابو شلاخ البرمائى .. غازى القصيبى
سبعة .. غازى القصيبى
نون .. سحر الموجى
السجينة .. مليكة أو فقير
تلك الرائحة .. صنع الله ابراهيم
دى آخر حاجات اشتريتها من حوالى اسبوعين .. وطبعا ماعنديش وقت اقرا خالص
شكرا لكل الناس على اهتمامهم ربنا يسعدكم ياااارب
................
بصراحة حوشت (بتشديد الواو وكسرها) كلام كتير أوى أقوله .. بس كان مانعنى انى موش لاقى وقت خالص مالص (موش عارف مالص دى جاية منين)
حتى الكتب اللى عندى فاضلة من معرض الكتاب ولسه ماقريتهاش زائد الحاجات الجديدة اللى جيبتها موش لاقى وقت اقراهم خالص
بس قبل أى حاجة أقولها لازم أشكر عمرو صاحب مدونة
To Be A hUmAn !
و سوو صاحبة مدونة
طيارة ورق
على تمريرهم التاجات دى ليا
و دى أول مرة ييجي لى موضوع التاج دا (الخير لما بييجي بييجي مرة واحدة,, بس نصبر ) نبدأ
ونبدأ بـ تاج عمرو
هواياتى : القراءة بشغف بإلتهام بجنون بتعصب بهبل (كما يقول حكماء القهاوى : أى حاجة فى أى حتةو شئ تانى انا شايف انه هواية عندى .. هو تحليل كل حاجة .. يعنى احب احلل اى شخص اعرفه .. اى كلمة جديدة اسمعها .. اى كتاب او فيلم او اى حاجة
عيوبى : طبعا هو ماينفعش الواحد يتكلم عن عيوبه لانى لإما حجامل نفسى أو حظلم نفسى .. موش حأديها حقها
لكن بشكل عام لو تغاضينا عن النقطة دى فعيوبى اللى انا معتقدها فيا وموش بأتحرج انى اقولها .. انى (لسه عندى 16 سنة ويمكن أقل)
حاجات بأكرهها جداا :: يييييييييييييييييه ماتعدش (موش حقول قيم مجردة زى الغباء والتخلف)
الناس اللى بتقول الفاظ موش كويسة .. وماتفرقش لو أنا لوحدى أو معايا اختى او زميلتى .. البعض بيتضايق لما تكون معاه بنت ويسمعو الالفاظ دى .. انا موش شايف فرق كبير .. انا كمان ودانى زى ودانها وعقلى زى عقلها .. واحاسيسنا واحدة موش هى بس اللى بتحس وتشمئز (دا ان كانو بيحسو بحاجة دلوقتى) واحنا غوريلات عايشين فى غابة
كل سلوك لا يدل على الذوق أو الأدب وا النظافة (دلوقتى حيقولو ايه الفافى دا) ومثال على اللى اقصده
لما تكون ماشى فى مكان ما زى التحرير ورمسيس وجنب كل رصيف وحيطة تلاقى علامات على الناس اللى كانت مزنوقة وصرفت نفسها فى الشارع
لما تكون ماشى وتلاقى اللى شغالين (بصق) فى الشارع وهما ماشيين
المدخنين .. كونها عادة سيئة ممكن الواحد يتدبس فيها وهو صغير ومايقدرش يبطلها دا موش معناه انى اقرف بقية خلق الله معايا .. انا عجبنى اوى القانون الجديد فى اوروبا بمنع التدخين فى الشارع والاماكن العامة المغلقة (احنا لحد دلوقتى كلمة ممنوع التدخين فى الاماكن العامة والمواصلات ماحدش بيحترمها)
بعض صفات المصريين .. ان الواحد من دوول بتلاقيه عارف كل حاجة ومايقولش معرفش ابدا .. ومر بكل الخبرات وان ماكانش هو يبقى حد يعرفه
حاجات بحبها أوى وموش بمل من تكرارها : انى اقرا لمصطفى محمود او نبيل فاروق او احمد خالد توفيق او توفيق الحكيم ..
متعتى الوحيدة تقريبا هى انى الاقى كتاب يعجبنى او كاتب يعجبنى
سؤال بيستفزنى : موش حنسمع اخبار حلوة قريب .. موش ناوى تخطب بقى .. يابنى موش ناوى تتجوز
حاجات مؤمن بيها جداا : العدل الإلهى
أكتر حاجة فاشل فيها : انى أتخن شوية
وظيفة بحبها : كان نفسى اطلع محلل نفسى اسمع الناس وهى بتفضفض لى واتناقش معاهم واحاول انصحهم او اوصلهم لسلام نفسى مع ذاتهم (باب النجار)
مثلى الأعلى فى الحياة : بأتفق مع عمرو فى رأيه ان مفيش مثل أعلى.. الكمال لله وحده .. ماينفعش يبقى مثلى الاعلى بشر .. ممكن آخد فلان مثل اعلى ليا فى صفة معينة لانه احسن منى فيها
مثلا انا كنت فرحان بنفسى اوى انى عمرى مابأرمى اى حاجة فى الشارع .. لو باكل بونبونى ولا بأقزقز لب فى الشارع ومالقيتش اى حاجة ارمى فيها بشيل الورق او القشر فى جيبى لحد ماالاقى حاجة او اروح البيت
لحد مالقيت واحد بيعمل اكتر من كده .. الله يمسيه بالخير كان زميلى فى كورس الأوراكل (يحيى) كنا واحنا ماشيين كل مايلاقى ورقة فى الارض يشيلها يرميها فى اى صندوق قمامة قريب .. وبصراحة ماقدرتش ابقا زيه
أمنيتى فى الحياة : حاليا ماليش اى امانى او طموح (مع ان دا غلط ومعناه انى ميت) بس مفيش شئ دايم .. واحنا ممكن نتغير ونفوسنا وظروفنا بين يوم وليلة
ربنا يسعد الجميع ان شاءالله ويوفقهم للى فيه الخير
...........................................................................................
تاج سوو
هى بتقول انها دبستنى .. ويعنى هى موش تدبيسة وحشة .. ساعات بتكون فى تدبيسة حلوة خالص
تحدث عن ستة أسرار قد لا يكتشفها من يقابلك للمرة الأولى
دا على حسب ظروف المقابلة لكن ممكن نقول :
انى ممكن اكون رغاى بس دا مستحيل مع حد أكون بقابله لأول مرة
انى لحد دلوقتى بأقرا اى حاجة تقع فى ايدي من الحاجات اللى البعض بيعتبرها للأطفال زى ميكي وجميع انواع الالغاز
انى حللته هو شخصيا ووضعته فى الكاتيجورى الخاص بيه
انى انطوائى غير اجتماعى بالمرة
انى بكتب حاجات خاصة بيا قصص او خواطر الخ
انى مابحبش آكل الباذنجان ولا البامية ولا اى نوع محشى بإستثناء ورق العنب
موضوع تمرير التاج لستة اشخاص .. كتير أوى يا سوو ..
..................................................................................................................
الصيف والسياحة والشحاتين و الحكومة
الصيف من ساعة ما بدأ وبدأت معاه استعدادات واجراءات الصيف المعتادة كل سنة
نلاقى الشحاتين بيكترو أوى لأن دا عندهم موسم .. وبيكترو بشكل بشع فى اماكن معينة نظرا لتواجد السياح العرب فيها عادة زى المهندسين والهرم والدقى .. ونشوف مناظر قذرة كل يوم .. تلاقى واحد شكله باين انه خليجي بيركب تاكسى والواد متشعلق فيه عشان ياخد منه اى حاجة .. ولا نازل من عربيته وبنتين صغيرين يجرو عليه يمسكو فى هدومه
ولا فى اشارات المرور لما يكون تاكسى معاه خليجيين تلاقى عصابة من الاطفال حاوطو التاكسى من كل اتجاه وهاتك يا تسول بمنتهى المناظر المقرفة القميئة (موش عارف يعنى ايه قميئة)
كل يوم ونا مروح بأركب الاوتوبيس المكيف من التحرير عشان اروح .. ويوميا بنشوف اشكال شحاتين اشكال والوان فى الاوتوبيس
واحد ضرير .. وواحد معوق ذهنيا .. وواحدة منقبة .. وواحدة شايلة عيل على ايديها .. وواحدة خرسا
بيعجبنى فيهم انهم بيختارو نوعية الاماكن اللى بيتسولو فيها والطرق اللى بيبتكروها .. دا اماكن فخمة اوتوبيسات مكيفة عشان يضمنو نوعية الزبون
فى شحاتة شهيرة اوى جدا خالص متواجدة دايما امام بوابة جامعة القاهرة تحت عيون وانظار الجيش اللى واقف هناك من أمن وحراسة وامن مركزى ومكافحة شغب .. واقفة عند الجامعة كل شاب و كل بنت يعدو تجرى عليهم وتاخد تحط فى صدرها وبعد شوية تختفى وترجع تانى .. موش عارف بتروح تفضى فين
و جنب البيت عندنا فى واحدة ست عجوزة اوى كل يوم ييجي تاكسى ينزلها جنب العمارة تنزل تقعد عالرصيف وتبتدى شحاتة .. تحس انها حاجزة المكان دا
مرة فى برنامج صبايا كانو جابو قضية عن واحدة .. ابنها الكبير قتل ابنها الصغير واتحكم عليه بالسجن او الاعدام موش فاكر وهى كانت بتطالب انهم يخرجوهولها عشان هى ست كبيرة واصبح هو اللى فاضل لها ومالهاش غيره
مذيعة البرنامج بعد ماعملت حوار معاها وسألت الناس اللى حواليهم اتكشف ان الست دى شحاتة .. بتطلع كل يوم تشحت وتيجي تجيب الفلوس لعيالها دوول اللى بيشربو بيها بانجو وحشيش وطول النهار قاعدين عالقهوة وشبه بلطجية فى المنطقة عندهم
عندنا فى روكسى فى منظر شوفته اكتر من مرة .. فى اشارة المرور والشارع واقف تلاقى واحدة شايلة على كتفها عيل صغير بتلف تشحت بيه .. وبعد شوية لما تتعب تروح تقعد تحت شجرة وتدى العيل لواحدة تانية تكمل بيه شحاتة وهكذا بيريحو بعض
كل الاشكال والمناظر المسيئة دى .. (هى دى المناظر المسيئة بجد) بتحصل وتتم تحت عيون الحكومة وعلى عينك يا تاجر .. زمان كان فى مكافحة تسول .. دلوقتى اصبحت الحكومة نفسها متسولة وبتشجع عالتسول طالما موش بتواجههم فى الشوارع
والشحاتين ماشيين بمبدأ (اللى تعرف ديته اقتله) و دية اى عسكرى ولا امين شرطة هى الفلوس .. ياعينى ومرتباتهم التعبانة ونفوسهم التعبانة اكتر
رجاء خاص .. اوعو .. اياكم .. حذارى .. حد يدي اى سحتوت لأى متسول .. ايا كان المتسول دا .. راجل كبير يا عينى ولا واحد ضرير ولا ست كبيرة ماشية بالعافية ولا عيل صغير هدومه مقطعة وموش لاقى ياكل .. ولا ولا ولا ... كلهم حثالة وزبالة .. دوول عصابات وبيكسبو اكتر منى ومنك .. وبيضرونا وبيضرو البلد .. وبيساعدو على انتشار الفساد اكتر ... اللى محتاج حقيقى عمره مابيذل نفسه بالشكل المهين دا .. لما تلاقى واحد زى التور وبيشحت ولا واحدة عاملة زى غفير العمدة وفيها صحة قد خمسة مننا وماشية ساحبة وراها ست ضريرة بتشحت بيها... اللى ماسك روشتة واللى ماسكة مناديل و غيره وغيره .. واللى يقولك انا موش من هنا وجاى من بلد بعيدة وتايه وعايز 20 جنيه اروح .. واللى يقولك انا امى محجوزة فى مستشفى القلب وعايز 150 جنيه اخرجها
الاشكال دى كترت بشكل رهييييب فى كل حتة وكل مكان .. مفيش حياء مفيش دم مفيش كرامة مفيش اى اخلاق خالص
حنلف لفتنا ولازم ارجع للحكومة .. لان ايوا فعلا هى سبب كل المشاكل ماحدش يقدر يقول غير كده
بس انا طولت اوىى المرادى حكمل المرة الجايا
........................................................................
عزازيل .. يوسف زيدان
ظل الأفعى .. يوسف زيدان
ابو شلاخ البرمائى .. غازى القصيبى
سبعة .. غازى القصيبى
نون .. سحر الموجى
السجينة .. مليكة أو فقير
تلك الرائحة .. صنع الله ابراهيم
دى آخر حاجات اشتريتها من حوالى اسبوعين .. وطبعا ماعنديش وقت اقرا خالص
4 comments:
عودا حميدا يا استاذ مؤنس .. ربنا يوفقك فى شغلك بس ماتنقطعش اوى كدة..و بعدين انا مش مسامحة فى السؤالين الاخرنين اللى ات نفضتهم..دة واجب..يعنى فرض ..ولا يعفى منه احد تحت اى استثناءات و لا فيش واسطة الا بئة لو جبتىل شكيولاتة دارك شوكلت و يا سلام لو كانت ليندت وقتها ..المسامح كريم :))
ازيك يا مؤنس؟
أنا قريت البوست دا يوم 18 يوليو بس ساعتها كنت مضطر أنزل وقلت لمّا أرجع هبقى أرد فيه وبعدين رجعت كانت حالتي النفسية مش اللّي هيّ وعلى ما فقت بعدها بيومين كان النت فصل ومازال فاصل بس قلت أستغل فرصة وجودي عند أخويا وأرد بقى، المهم يا سيدي يمكن أكتر حاجة عجبتني في إجابات التاج الأول مدى احترامك للآخر ودي الصفة اللّي للأسف معظم المصريين والعرب مفتقدينها بشكل رهيب.
بالنسبة بقى لموضوع الشحّاتين، فأنا معاك إن الموضوع زاد قوي عن حده، بس فعلاً فيه ناس بيبقى شكلهم لا حول لهم ولا قوة والواحد بيحس إن مصيبة إن الناس دي بتشحت، بعدين مش سهل على حد يذل نفسه قوي كدا زي ما أنت قلت، لكن للأسف الظروف الزبالة اللّي الناس فيها خلّت من العادي جداً إن الواحد يتنازل عن آدميته لحد ما بقت الناس ما بتلاقيش غضاضة في التصرفات دي، فكرتني بشحات ظريف جداً كان بيقف في الشارع اللّي كان فيه شغلي، الراجل دا كنت بشوفه كل يوم في نفس المكان بالظبط، وكل يوم يقول حجّة جديدة!
مرة عشان يجيب دوا له، ومرة دوا لبنته، ومرة لابنه، ومرة لمراته ومرة عاوز يفطر وهكذا، لحد ما فيوم ما قدرتش أمسك نفسي وقلتله يا سيدي يا تثبّت الحجّة يا تغيّر المكان اللي بتقف فيه، لكن كدا الموضوع بقى مسخرة خالص!
فالراجل بصّلي بقرف كدا وقام من مكانه ومشي، تاني يوم بقى كان قاعد في نفس المكان وبيقول عاوز فلوس عشان يرجع بيها المنيا:s
شكرا يا سووو
معلش بقى موضوع تحويل التاج لحد تانى دى صعبة شوية ولو عالشيكولاتة سهلة .. يبقالك عندى شيكولاتة دارك
عمروو
شكرا مرة تانية على تمرير التاج
موضوع الشحاتين يمكن أهون بكتير من حاجات تانية .. مممم موش عارف اتكلم عنها دلوقتى بشكل مناسب
ونا لما بتكلم عالشحاتين بتكلم بشكل عام لان اللى شوفته هنا فى مصر شوفته قبل كده فى السعودية مع الفارق ان هناك الموضوع انتيرناشيونال بتلاقى الشحاتين من كل الجنسيات بيسافرو مخصوص لهناك عشان يشحتو
زى ماقلت الموضوع بالنسبالهم مهنة .. والمهنة دى لها اصول ازاى تمثل وتستعطف اللى قدامك وتمشى امورك
ربنا ييسر الحال على الجميع ان شاءالله
موضوع احترام الآخر .. يمكن افتكرت حاجة كنت بتكلم فيها مع واحد صاحبى من كام يوم
كنت بأقول له انا يهمنى اللى يحترمنى او يعجب بيا فدا يكون عشان شئ نابع منى وبإرادتى
مثلا موش مهم الناس تقول عليك انك من عيلة غنية
لكن شئ حلو انهم يقولو انك اصبحت غنى بمجهودك
موش مهم يقولو عنك شكلك جميل
لكن شئ حلو انهم يقولو عنك انك بتهتم بنفسك وشيك
يمكن اختلفنا انا وهو فى نقطة الذكاء كان رأيى ان درجة الذكاء شئ الانسان بيتولد بيه وهو كان رأيه ان الذكاء شئ مكتسب
المهم
شكرا على ردك وربنا يديم التاجات
Post a Comment