Saturday, January 5, 2008

المرايا

قلت أبص فى المرايا
يمكن أكون إحلويت
فضلت داير أبص ماخليتش
ولا مرايا فى البيت
فى الحمام فى الأوضة فى دولاب
أو متعلقة عالحيط
شوفت ,, سكت شوية ,, وبعدين اتخضيت
معقول أنا قضيت العمر دا كله
زى ماروحت زى ماجيت
معقول أنا عمرى مافكرت
ولا اتغيرت ولا حبيت
وازاى ساكت على روحى دا كله
وليـه استنيت
ياريتنى ماكان عندى مرايا
وياريتنى مابصيت
كلمات الشاعر : على سلامة
من ألبوم ناقص حتة لـ وجيه عزيز
......................................................................
الأولويات فى حياتنا ,, وازاى ممكن العمر يتسرق مننا وفجأة
نلاقى نفسنا لوحدنا ,, من غير ماناخد بالنا
وجيه عزيز عبقرى فى ألحانه وأداؤه

3 comments:

Yasmine Adel Fouad said...

معقول أنا قضيت العمر دا كله
زى ماروحت زى ماجيت
معقول أنا عمرى مافكرت
ولا اتغيرت ولا حبيت
وازاى ساكت على روحى دا كله
وليـه استنيت


|______________________


ياااااااااااااه على وجيه لما يتسمع و هو بيقول ده خصوصا لو فى حفلة فعلا
ايه الوجع ده ، ايه الصدق ده ، ساعتها فعلا مبتبقاش عارف المفروض تحضنه و للا تدور على حد يحضنك انت

مؤنس فرحان said...

أهلا يا سمين ,, المدونة نورت
وجيه عزيز انسان محترم
وهو فنان بجد .. والمشاعر اللى بتوصفيها دى فعلا لانه بيوصل لنا ويمسنا
عارفة فكرة الوجدان الجمعى .. ان مجموعة من البشر تشترك كلها فى وقت واحد فى نفس المشاعر والأحاسيس
دا اللى بيحصل لجمهور متفاعل بكل حواسه مع فنان قدامه

حاجات كتير said...

ياريتنى ما كان عندى مرايا ويارتنى مابصيت

انا بقى عايزة اقول يارتنى ماكنت بشوف اصلا